Semyng to me (yt ys no faylle)
That she woldë me assaylle;
Yt semptë so, as by hyr cher;
And al my lyff, fer or [[nor St.]] ner,
Line 17156
Radde I neuer, in book nor geste,
Off so merveyllous a beste;
Nat in the Book off Danyel,
Nouther in Ezechyel,
Line 17160
Nor in Thapocalyps off Iohan,
Swych a bestë fond I noon.
I was abaysshed a-noon ryht,
Whan fyrst off hyre I hadde a syht;
Line 17164
In hyre I fond so many a lak:
ffyrst, she hadde a brookë bak,
Corbyd and haltyng, bothë two;
Off rowh frese, she hadde also
Line 17168
A garnëment shape lyk a sak,
Wych she werede vp-on [[weryde on St.]] hyr bak:
Gret noumbre ther-on I tolde,
Off cloutys and off pachchys olde. [folio 243b]
Line 17172
Aboute hyr necke, I sawh ek wel, [Stowe folio 303b]
That ther heng a gret sachel; [[C. & St.]]
She shop hyr no-thyng for the flyht;
ffor, that poket (to my syht,)
Line 17176
She felde yt ful (in éspecyal)
Off Coper, yren, and off metal.
And as yt sempte to me also,
Hyr ownë tonge halp wel ther-to,
Line 17180
Wych heng out at hyr mouth ful [[ful om. St.]] long.
And aboute hyr neckë strong,
Thys lady, with hyr corbyd bak,
Was y-moselyd with that sak,
Line 17184
Sowyd sore, that nyht nor day
Yt myghte nat wel falle A-way.
In noumbre she hadde (I gan beholde [[as I . . holde St.]] )
Syxë handys, for I hem tolde;
Line 17188
And tweyne (to myn Inspeccïoun)
Wer the pawmys off A gryffoun.
And I beheld the samë whyle,
In On hand she held [[hadde St.]] a ffyle,
Line 17192
