And as I stood allone, al sool, [Stowe folio 302b]
Gan compleyne, and makë dool,
Havyng no thyng vp-on to reste,
Saue (as me semptë for the beste)
Line 17116
I lenede me on my bordoun;
ffor thogh that Trybulacïoun
Wer departyd in certeyn,
She sayde she woldë kome ageyn.
Line 17120
But I (wherso I wooke or slepte,)
With my refuge, ay I me kepte, [[slepe . . kepe St.]]
To have, by hyre, proteccïoun
Ageyn ech trybulacïoun,
Line 17124
But for that I, by gret owtrage,
Was off my port, wylde and savage,
Dyuers off my condycïoun,
And al day turnynge vp and doun,
Line 17128
fful off chaung and doubylnesse,
Havyng in me no stabylnesse.
And whyl I wentë thus musynge,
With-Inne my sylff ymagynynge,
Line 17132
I ffyl a-noon, in my passage,
In-to a woodë ful savage;
Me thouhte the weyë peryllous,
And by to passë, Encombrous; [folio 243a] [[C. & St.]]
Line 17136
I knew nat what was best to done, [[C. & St.]]
ffor, in a woode, a man may soone [[C. & St.]]
Lese his weye, and gon amys, [[C. & St.]]
Or he be war; and thus yt ys, [[C. & St.]]
Line 17140
As pylgrymes knowë wel echon,
That on pylgrymagë gon:
Passage they fynde, narwh and streyth; [Stowe folio 303a]
Brygauntys lyn [[lyen St.]] ek in a-wayt,
Line 17144
And wylde bestys many on,
Tassayllë pylgrymes, wher they gon:
ffolk expert, the trouthë knowe.
And in a valey that stood lowe,
Line 17148
I sawh on stonden in my way,
Old and owgly, off array
Dysguysed wonder queyntëly,
Off port and chere ryht vngoodly,
Line 17152
