'ffor to have off hyre, socour,
Confort and consolacïoun,
Ageyn al tribulacïoun;
Line 17076
Wher-in thow erryst neueradel,
But wrouhtest prudently and wel.
'Kep the wel in hyr presence,
ffor, by verray experyence,
Line 17080
As sone as thow art from hyr go,
I shal nat longë be the fro,
By vertu off my commyssïoun,
ffor to don execucïoun,
Line 17084
As I ha don to many on;
With my toongës made hem gon,
That wer out off the weyë ferre, [Stowe folio 302a]
Resorte ageyn vn-to that sterre,
Line 17088
Ther to haue proteccïoun
In euery trybulacïoun.
'And thus I kan, in many wyse,
With my yerdë wel chastyse
Line 17092
Swych folkys as be dyssolut,
And chace at hem in my pursut,
Namly, folk predestynaat,
And swych as be preordynaat
Line 17096
To kome vn-to savacïoun,
That kan in trybulacioun
Suffren, and have pacyence.
'And yiff that thow, for thyn offence, [folio 242b] [[C. & St.]]
Line 17100
Hast her-to-forn haad nede off me, [[C. & St.]]
And, in partye, I ha to thè [[C. & St.]]
Parcel declaryd off myn offys, [[C. & St.]]
As thow mayst fele (yiff thow be wys)
Line 17104
With-outen any gret owtrage
Don to the, or gret damage,
With-outen many wordys mo,
A dieu! farwel! for I wyl go.
Line 17108
And be war, in thy passage,
That thow do wel thy pylgrymage,
And in thy way be iust and stable,
Lych a pylgrym good and hable.'
Line 17112
The Pylgrym: [[St., om. C.]]
