thè ffor socour and helpe; and be thow her dyffence
Line 16844
and her proteccion to-ffore the fface off the Enmy" //
And whan I ha this in my Remembraunce, yt ys the
Thrydde Consolacion, which that I ffynde Only in thè,
In euery Trybulacion.
Here begynneth the
ffourthe Consolacion.
Certys, Lady, and yt were so that thow dyst Comfort
Line 16851
to alle other Synnerys save only to me, I hadde [Stowe folio 297b] Grete
matere to Compleyne, and to make grete Sorwe And
Lamentacion // But, ffor-as-mych as I haue a Synguler
Trust and a Specyal hope in thè, to-fforne alle other,
Therffore I wyl Reioyssh in myn herte, and Cleyme off
Line 16856
Ryght the, in Especyal, to be my Reffuge / And thys I
Cleyme off herytage by lyneal Dyscent off Successioun,
be Tytle off myn Awncetrys, other Synnerys that ha
be to-fforne. and Sythen thow dydest mercy vn-to
hem / I, that am a Synner, Cleyme off Right that thow
Line 16861
Shalt done Mercy vn-to me // ffor Certys, by olde
tyme, lady, Synnerys that werne to-fforne, weryn Occa|
sioun That thow were Chosyn to ben the Moder off
god, and quene of hevene, and lady also off al the
world. And certys, lady, with Supportacion off your
Line 16866
grace / hadde nat Synnerys ben, thow haddest neuere
be Reysed to so high a degre off worshippe; And ther|
ffore The holy Doctour Seynt Awstyn Seyth vn-to the
In a Meditacion // 'O Maria, multum Audeo, multum
gaudeo / Multum-que gaudium, multam-que michi ffacis
Line 16871
audaciam.' 'O blyssed Marye, I am gretly hardy and
bolde, and gretly I Reioysshe, and thow yevest me
grete hardynesse ffor to speken' // ffor I speke, and as I
speke, right so yt ys / ffor we to the, and thow to vs /
A nyh Confederacye hath Ioyned vs to-gedre / That
thow ffor vs haste thylke beynge that thow art. And
trewly in the same wyse, by thè Only, we haue the
Line 16878
beyng that we arn // ffor yiff that [Stowe folio 298a] Oure Trespace
and oure Transgressioun hadde nat be to-fforne / Ther
hadde nat ffolwed ther-vpon oure Redempcion // And
yiff yt hadde nat be necessarye, vs to haue be bought,
