¶ 'But wex and Talwh / yt doth Relente.
And evene thus / In myn Entente, [Stowe folio 286b]
Lyke Folkys / Dysposicïoun
Is myn / Operacïon;
Line 16220
And thus vsynge / myn Sergawntry,
I kan werkë / dyuersly;
Wher-ffore I rede / be war off me,
For I anōōn / shal smytë the.'
Line 16224
The Pylgrym:
And Iustly Covenaunt / he held:
He smoot me so / that Spere and Sheld
Fro me Fyllen / doun to grounde,
Hys Strokys wern / so Fel and Rounde
Line 16228
And trewly / For my grete dystresse,
Ire kaughte / a grete gladnesse,
And wolde / to my confusïoun,
Ha wounded me / with hys Fawchoun;
Line 16232
But Trybulacion / stoode be syde,
And badde he shulde / a whyle abyde,
Medle off hym / as yitt no more;
'ffor I shall ffyrst / my sylff, so sore,
Line 16236
Done on hym / so grete vengaunce,
So grete anoy / and dystourbance,
With my Toongës / streyne hym so,
And batre hym / On the bak ther-to
Line 16240
With myn hamer / large and longe,
That hath an heed / yfforged stronge,
To chastyse hym / in swych manere
Ther-by that he / shall wel lere,
Line 16244
As be my / Comyssyoun
That I am / Trybulacïoun.' [Stowe folio 287b]
And ffelly thus / to Ire he spak,
And euere batrynge / on my bak,
Line 16248
With his Toongës / gan me streyne
That me semptë / ffor the peyne,
I was pressyd / In a pressour,
Voyde off helpe / and alle sokour,
Line 16252
Compleynyng / ffor my grete penaunce,
Tyl yt ffel / In my Rémembrance,
¶ And hadde vnto / a worde Rewarde
