'With-oute Murmure / or any Soun,
But off hoole / Entencïoun
When thow Felyst / dool or Smerte,
Thankest god / with alle thyn herte,
Line 16180
Than maystow wytte / and Fully knowe
That my power / hyh and lowe
Is taken / In Conclusïoun
Off the Fyrst / Commyssioun.
Line 16184
¶ 'But yiff yt falle / be wel certeyn,
That thow stryve / or gruchche ageyn
In thy sylff / by vyolence
Arryuest / For Impacyence,
Line 16188
And besy art / yt to with-stonde,
Thankest nat god / ek off hys sonde, [Stowe folio 286b]
But Fyndest / somme Fals Occasyoun
To lese thy Skryppe / and thy Bordoun,
Line 16192
Castest hem / wylfully a-way,
As whylom dydd / (yt ys no nay)
By grete mescheef / Theophilus.
And semblably / yiff thow do thus,
Line 16196
Than ys my Commyssioun
Yove / to thy dampnacioun
By the power / off Sathan,
Which / For to deceyvë Man,
Line 16200
Travaylleth ay / to make hym lese.
¶ 'Wher-Fore thow mayst / off bothë chese,
And haste ek / Fre Elleccïoun,
Which / off Eche Commyssïoun
Line 16204
I shall vse / ageyn[e]s the.
¶ For I ha no Lyberte,
But evene lyke / as I thè Fynde,
Thè to Cónstreyne / or vnbynde,
Line 16208
Affter thy / Condicïoun
To vsen / Eche Commyssïoun.
¶ My power ys / In allë Rewmys,
Lyke vn-to / the Sonnë Bemys,
Line 16212
Shynynge most hoote / the Sommerys day,
On Foulë Erthe / and tendre Clay,
Hys grete heete / maketh hem anōōn
To wexe as harde / as eny Stoon.
Line 16216
