Which tooke away / hys Temperalte,
He nat gruchchynge / In no degre.
Line 16140
¶ Travaylle / In thyn Entencion
To Reve hem Skryppë / and Bordon;
Atte the herte / do hem sorwe and wo;
And with thy Toongès / pynche hem so
Line 16144
On euery halff / that thow nat Fayle
To Rende out Bovel / and Entraylle;
As the Bowelles / off Iudas,
Streyne hem / In the samë caas,
Line 16148
That they / be grete Adversyte
May hange hem selff / vp on a Tree,
¶ And on thys caas / both ferr and ner,
To the we grauntë / Full power,
Line 16152
As by oure / Commyssioun
Wretyn / In oure derke Dongoun,
The samë tyme / whan Cryst Ihesu
Vp on the Cros / by hys vertu
Line 16156
Graunted the Theeff / For a grete prys,
To Entren / In-to Paradys!'
The Pylgrym:
"And whan I hadde / hem bothë seyn,
I tooke hem / vn-to hym ageyn,
Line 16160
Axede hym / anōōn Right tho
Yiff he wolde / vse hem bothë twoo
Lykë Frely / In Werkynge, [Stowe folio 285b]
Syth thei Fyn / off ther menynge
Line 16164
Concludë nat / In oo Sentence;
For, as grete ys / the dyfference
Atwene hem tweynë / by Obstácle,
As bytwene venym / and Tryacle."
Line 16168
Trybulacion:
'When I ha take / on thè the wrak,
And strongely Forgyd / on thy Bak,
Than shaltow / by Elleccïoun
Haue Choys / to which Commyssioun
Line 16172
Thow wylt thè take / and ther abyde.
For ȝiff that thow / on yche a syde
Seyst ryght nought / In thy dyffence,
But suffrest alle / In Pacyence
Line 16176
