'For ther was nōōn / Excepcion.
¶ 'And the tother Commyssion
Line 16100
That I off spak / I shall the shewe;
And yt ys thys / In wordys Fewe:
¶ Thamyral / off the gretë See,
Fulle off Wawes / (as men may se,)
Line 16104
Which that callyd / ys Sathan—
Grettest Enmy / vn-to Man,
Foo to Adam / and hys Lynage,
For topresse hem / with hys Raage,
Line 16108
Kyng of alle / Inyquyte, [Stowe folio 284b]
And Tormentour / off Equyte,
By wronge / and Persecucion,
Elthë / to Trybulacioun,
Line 16112
Swych as we / may to hym sende
For tapeyre / and nat Tamende,—
We haue syttyng / In oure Dongoun,
Knowyng / by clere Relacioun
Line 16116
That the Sergeauntys / Fynally
Off the myghty kyng / Adonay
Ageyn oure power / haue ytake,
And ther-vp-on / hem Redy make
Line 16120
With vs / For to haue a-do,
And wynne the place / that we kam Fro,
And hem purpose / in that Cyte
Ther For to / Receyved be;
Line 16124
And, lyke / as myghty Champyouns,
Made hem Skryppes / and Bordouns,
Seyn that they / in ther vyage,
Wyl thedyr gōōn / On pylgrymage,
Line 16128
Euerych off hem / In ther degre.
'Wher-vp-on / we chargë the,
Sende to thé / oure Maundement,
Thé yevnge / In Commaundement,
Line 16132
That thow shalt kepë / the Passage,
To lette hem / in ther Pylgrymage;
Espye hem out in euery place,
Smyte hem / or that thow Manace;
Line 16136
Oppresse hem / with thy vyolence
Abowë Iobys Pacyence, [Stowe folio 285a]
