'We haue vnderstondë late,
Tydynges nat ful old off date,
Line 15984
How the Stepmoder off vertu,
And ful enmy to cryst ihesu,
Wych callyd ys 'Prosperyte,'
Ageyn al ryht, thorgh hyr powste,
Line 15988
Hath Our sawdyours [[Sowdyours St.]] assaylled,
Set on hem, and nat yfaylled,
By maner off collusïoun
Drawe her hoodys lowë doun [Stowe folio 282b]
Line 15992
Ouer ther face, by swych degre
That they be blynd, and may nat se,
(Wych ys ful hard for to recure,)
And be-rafft hem ther Armure;
Line 15996
Only off fals presumpcïoun,
With-outë restytucïoun,
Take away ther Garnysouns,
The castelys also and the Touns
Line 16000
Wych that longede off equyte
Vn-to Gracë dieu and me. [[to me St.]]
'But now off newe, (yt ys no nay,)
ffrom vs she hath hem take away,
Line 16004
With-oute forberyng or favour
Dyspoylled vs off Our tresour,
And, in our tours strong and Old, [folio 241a]
Vesellys off syluer and off gold,
Line 16008
Take hem a-way by Tyranye,
Bextorsïoun and [[and by St.]] roberye;
I menë most, in éspecial,
Ther goodys that were Espyrytual;
Line 16012
Swych goostly goodys euerychon
Ben yrobbyd And agon;
And thorgh hyr Ravyne and robbyng,
She hath lefft ful nyh no thyng.
Line 16016
ffor wych, we lyst no lenger tarye,
But vn-to the, Our secretarye
And Our sergaunt in thys caas,
(Wych off custom berst our maas)
Line 16020
We (wyth al our hool entent,) [Stowe folio 283a]
Sende vn-to the A Maundement,
