"(As thow seyst) smyth off paradys,
Line 15948
Mak me no dylacïoun, [Stowe folio 281b]
But shewe me thy commyssioun,
Thy power also, and thy myght,
That I may sen hem A-non ryht.
Line 15952
ffor, but I se hem, trustë me,
I wyl in no thyng leuë the
Off al that euere thow hast me told."
And she, out off A box ful old,
Line 15956
Took out A Commyssïoun,
And sayde, lyk hyre entencïoun:
Tribulacion: [[In Stowe's hand, C. Trybulacion St.]]
'Se thys,' quod she, 'and rede yt wel,
And looke yt ouer Euerydel,
Line 15960
And ther-vp-on the wel avyse.
Yiff that it may nat suffyse,
I shal the shewe A-nother to,
Wych I haue with me also:
Line 15964
Red hem bothe, and thow shalt se
My power and Auctoryte.' [[8 lines blank in MS. for an Illumination.]]
the pilgrym: [[In Stowe's hand. The Pylgrym St.]]
And whan they wern vn-to me take,
A-noon I gan me redy make,
Line 15968
Redde hem bothë two yffere;
And fynally, yiff ye lyst here,
And to me yiven Audyence, [folio 240b] [[St. & C.]]
This was the fyrste, as in sentence. [[St. & C.]]
Line 15972
The comisyon & power gyven to tribulation: [[In Stowe's hand. The Comyssioun and Power yove / vn-to Trybulacion. [Stowe folio 282a] ]
'Adonay, the myghty kyng
Wych ys lord off euery thyng,
Emperour off Ryghtwysnesse,
Whos power (in sykernesse)
Line 15976
Neuere eclypsyth off hys lyht,
But shyneth euere ylychë bryht,
As he that lord ys off nature,
And euer in On shal so endure,
Line 15980
As off power and off Renoun,
Elthe to trybulacioun!
