'Callyd ys by ryhtful name [[C. & St.]]
'Confusioun' or ellys 'Shame'; [[C. & St.]]
As thus (for to specefye)
Whan I do swych tormentrye
Line 15912
With my bytter peynys strong—
Be yt ryht or ellys wrong—
To don execucïoun
Outher be cyvyle or kanoun;
Line 15916
The shame ther-off, and the [[grete St.]] outrage,
Shewyd ys in the vysage;
And most he hath occasïoun,
That most hath persecucïoun.
Line 15920
'And I shal preue A-noon by the,
Yiff thow konne ashamyd be.
I shal assayë for to smyte
Vp-on thy bak, my sylff taquyte
Line 15924
ffor to fulffyllë the talent [Stowe folio 281a]
That Ire hath in hys entent
Enclosyd by ful mortal lawe.
ffor whyle that Ire bereth the sawe,
Line 15928
Thow shalt, by persecucïoun,
Outher breste, or make a soun
Outward, as by som gruchchyng,
Or by som noyse in cómpleynyng:
Line 15932
A voydë vessel, pype, or tonne,
Whan the lycour ys out Ronne,
Who smyt thér-on / vp / or doun,
Yt maketh outward a gret soun,
Line 15936
Mor than to-forn, whan yt was ful;
And therfóre, who that ys dul
And voyde off vertu (douteles)
By pacyence kan ha no pes,
Line 15940
Whan he, by trybulacïoun,
Suffreth [[Suffrethe my St.]] persecucïoun,
Wrong, or any maner wo:
Adonay me toldë so,
Line 15944
Whan she me madë fyrst a smyth, [folio 240a]
ffor to forge vp-on hyr Styth.'
the pilgrym: [[In Stowe's hand, C. The Pylgrym St.]]
"Yiff thow be makyd by offys
