'Ther-for, with-outë wordys mo,
Be Avysed what thow wylt do;
Yiff thow wylt stonden at dyffence,
Ageyn me maken résystence
Line 15796
With thy swerd, and with thy targe,
Wych that ys so brood and large:
Off hem I haue no maner doute,
Be causë thow art nat with-oute,
Line 15800
The to dyffende, fro poynt to poynt, [folio 238a]
Clad a-bove with a purpoynt;
And I shal ek (yt ys no drede)
Hauë helpe, yiff yt be nede,
Line 15804
Ageyns the to do vengaunce
The to bryngen to outraunce.'
The pilgrym: [[In Stowe's hand. The Pylgrym St.]]
"Be war, touche me nat," quod I;
"ffor yiff thow do, (fynally,)
Line 15808
I am cast, in my [[my St., thy C.]] dyffence,
ffor to makë résystence
As longë as me lasteth breth;
fful myghtyly vn-to the deth,
Line 15812
I shal nat spare, (yt ys no faylle)."
And ffyrst he gan me thus assaylle;
Hys callyouns to-gydre he smoot [Stowe folio 279a]
Tyl they gan to wexen hoot,
Line 15816
And ther-with he gan loudë crye.
And than at erst I gan espye;
ffro the hyl descendyng doun,
Kam with hym 'Trybulacioun,' [prose cap iv.15]
Line 15820
Off stature gret and large
With-outë sheld or any targe.
To me-ward she gan hyr dresse.
In hyr hand, (by gret duresse,)
Line 15824
A gret hamer I beheld;
And in the tother hand she held
A peyre off pynsouns ek ther-wyth;
And A Barmfel off A smyth,
Line 15828
At hyr brest she hadde vp-bounde.
Tribulacion: [[In Stowe's hand. Trybulacion St.]]
Quod she to me, 'thow art wel founde.
