'And yet she hath assayed offte,
With hyr ffylë (no thyng soffte)
Vp-on my cursyd yren hard,
Rebel, rusty, and froward,
Line 15716
ffor to do the rust a-way.
And as she fylede day be day
Vp-on myn yren, rowh and old,
Ther-off she made (as I ha told)
Line 15720
Thys sharpë [[sharpe St., sharp C.]] sawe (in verray dede)
Wych that callyd ys 'Hatrede.'
And wyth thys sawe (tak hed her-to)
Ys I-sawhe and kut a two,
Line 15724
Parfyt loue and vnyte,
Concord and ffraternyte; [Stowe folio 277b]
Off charyte and állyaunce
Maad also dysseueraunce; [folio 237a]
Line 15728
Yt cut a two ech vertu.
'In Iacob and Esav [Oderat ergo Esan Iacob Dixit-que venient dies vt occidam Iaeob. Genesis. 27o. capitulo]
Thow mayst sen a pleyn fygure
Yiff thow rede the scrypture:
Line 15732
Thys sawhe made hem gon assonder,
The Ton her, the tother yonder;
And longë [[longe St., long C.]] tyme assonder were.
'And thys sawhe also I bere [prose cap cxlix]
Line 15736
(As thow sest) her in my mouth
Wher-euere I go, both Est and south,
Off entent (be wel certeyn)
Whan-euere I pray, or sholdë seyn
Line 15740
My pater noster nyht or day,
Thanne I sawhe my-sylff a-way
ffrom the hooly trynyte:
I preve yt thus, (as thow mayst se,)
Line 15744
I pray god (off entencïoun)
Off my synnës to han pardoun,
Evene lyk to my socour
So [[As St.]] I forgyve my neihhëbour.
Line 15748
In my prayere ek I sette,
That he forgyuë me my dette
As I forgyvë folk thoffence
That to me dyde vyolence;
Line 15752
