'I hurtle thys hardë stoonys tweyne,
Smytë fyr with al my peyne;
Make the sparklys out to gon;
And yiff I hadde ynowh bronstoon,
Line 15676
I sholde (off malys, in my werkyng,)
Sette affyre al maner thyng
With-outë mercy or respyt.
'On off thys stonys ys 'Despyt'
Line 15680
Ycallyd / the tother hyhte 'Stryff':
With wychë tweynë, al my lyff
I haue, in hih and lowe estaat,
Mad folkys offten at debaat;
Line 15684
And off thys two, by mortal lawe,
Whylom forgyd was thys [[my St.]] sawe,
The wych, (As thow mayst beholde)
With-In my sharpë teth I holde;
Line 15688
And in the forgyng, ek ther-with
The hamer Stryff, despyt the Styth. [[Stythe St., Styhhe C.]]
'And the yren (by sentence) [folio 236b]
Callyd was 'Inpacyence'
Line 15692
Wych was dolven out off helle,
Wher that blakë ffendys dwelle.
And (yiff thow lyst sen al the caas,) [Stowe folio 277a]
Thus the sawe endentyd was,
Line 15696
And al teth set by and by
Wrouht by me ful crafftyly.
'ffyrst (as I shal her expresse,)
A lady callyd 'Ryghtwysnesse,'
Line 15700
Smyth and also forgeresse
[a line blank in C.; no gap in St.]
Off al vertues, rekne echon,
Hyr sylff hem forgeth, on by on;
Line 15704
And she hath (in conclusïoun,)
A ffyle callyd 'Correccïoun'
With wych (thogh yt be nat soote)
She ffyleth synnës to the roote,
Line 15708
That no Rust (I the ensure)
May ther kankren nor endure,
She skoureth yt a-way so clene,
That noon ordure may be sene.
Line 15712
