'Mor to folkys colleryk
Than to folkys fflewmatyk.
'I make also (as I wel kan) [Stowe folio 276a]
In the ffyrmament off a man
Line 15636
Whom that phylosoffres Alle
'The lasse world' a man they calle
In ther bookys (so they wryte);
And in that world I kan excyte
Line 15640
The wyndës off dyssencïoun
And thondrys off rebellïoun.
'I dyrke (with-oute Awysëment)
Ther wyt and ther entendement,
Line 15644
And clypse also ther Resoun
(ffor lakkyng off dyscrecïoun),
And cause hem to ben despytous,
Vengable and malencolious,
Line 15648
I am so verray serpentyne.
'Whan Ire doth myn hertë myne,
I am so venymows (in soth),
I bolle as any crepawd doth;
Line 15652
I makë blast, I blowe and yelpe;
I am the bychchë gret with whelpe, [folio 236a]
That whelpeth kenetys off meschaunce,
Euere redy to do vengaunce.
Line 15656
In loue, I kan ha no swetnesse,
ffor, I hauë mor sharpnesse
Than outher brambel, bussh or brere.
'And I am ek (as thow shalt lere)
Line 15660
Whan I am steryd in my blood,
Mor sowr and bytter than wormood;
Ne wer vengaunce, I wer but lorn,
ffor, I am the sharpë thorn
Line 15664
Off wych (by descripcïoun) [Stowe folio 276b]
Iudicum maketh mencïoun, [Egrediatur Rampnus. Iudicum 9o. capitulo. C., om. St.]
Off wych the ffyr sprang out A-noon,
And brente the cedrys euerychon.
Line 15668
ffor who ne toucheth, in myn Ire,
With Anger I renne anoon affyre,
Whan any wynd at me doth blowe,
Men may yt by the smokë knowe.
Line 15672
