'ffor wych I am (in myn Entent)
Deyngnows and inpacyent,
Mor sharp (behynden and beforn,)
Than brembel, or any maner thorn.
Line 15596
And who that [[so St.]] lyst to close hys vynes,
Or Round abouten hys gardynes
With my sharpnesse cloos aboute,
He sholde ha no maner doute
Line 15600
Off entryng in, nor off no ffon;
ffor hegh so sharp ys makyd noon
So strongë wrouht, nor so myghty,
That ys drad so myche as I,
Line 15604
Nor so despytous by to pace. [Stowe folio 275b]
'My namë callyd in ech place
Ys thys, 'Noli me tangere';
ffor I haue 'carmen et ve';
Line 15608
Thys to seyne, (yiff yt be souht)
Be war that thow touche me nouht.
With me I haue (Eve and morwe)
Lamentacioun, dool and sorwe;
Line 15612
ffor I, devoyde off al Resoun,
Wyl cachche A-noon occasïoun
(Thogh that ther no causë be)
A-noon for to avengë me [folio 235b] [[C. & St.]]
Line 15616
I putte al folk in swych affray. [[C. & St.]]
'And as a Bakkë at mydday
ffleth, and yet may se no syht
Thogh that the sonnë shynë bryht,
Line 15620
Ryght so, off malys and off pryde,
Wherso-euere that I abyde,
I blyndë ffolkys off al Resoun,
And, for lak off déscrecioun, [[dyscrecioun St.]]
Line 15624
I cause hem that they may nat se
But bestyally in ther degre.
I trouble hem (in especyal)
That they be verray bestyal;
Line 15628
I make hem lookë pale and megre,
Yive hem vergows and vynégre
To encresse her trouble and [[and C., om. St.]] wo,
And yive hem other sawtys mo;
Line 15632
