Gan Att onys on me descende
Line 15516
Lykly tahaue had the bet off me,
Haddë nat the whyhte dowe be,
Wych, me to coumforte in my dred,
Alyhte adoun vp-on myn hed, [[6 lines blank in MS. for an Illumination.]] [folio 234a]
Line 15520
And goodly gan me to coumforte,
Makyng myn Emnyes to resorte
ffor verray ffer, and stonde asyde,
That they durstë nat abyde
Line 15524
But off maalys cryede out, [Stowe folio 274a]
And, on me gan make a shout,
Swoor (I haue yt wel in mynde,)
Yiff they myghten euere fynde
Line 15528
Me at large, by any way,
Whan Grace Dieu wer [[wer St., when C.]] gon away
They woldë (thorgh her cruelte)
Vp-on me avengyd be.
Line 15532
And how yt ffyl, I wyl nat spare,
Vn-to yow for to declare.
Off me trewly, thus stood the caas:
Whan that I delyuered was
Line 15536
Off my dedly mortal foon,
Yt fyl so, and that a-noon,
The whytë dowe had take hyr flyght.
And was agon out off my syht
Line 15540
Vn-to hyr lady Grace dieu,
Wych that hath so gret vertu.
Thanne off me, thus yt be-fyl.
As I wente toward an hyl,
Line 15544
With on I mette, hydous and wykke,
And al hys body Armyd thykke
With hallys that wer sharp and kene:
And as I koudë deme and sene,
Line 15548
Lyk a skyn off an yrchown
He was arrayëd vp and doun,
Ygyrt with a brood fawchon; [folio 234b] [[C. & St.]]
In euery hand a callyoun, [[? caillou, a flint stone]]
Line 15552
Out off wyche (yt ys no doute)
The redë fyr gan sparklyn oute; [Stowe folio 274b]
