'ffor all hys vertues good and fayre,
Yet I koude hys name apayre
By ffals report, and that ful blyue;
ffor ther ys noon so good alyve,
Line 15480
Nor neuere was, in-to thys day,
But that I koudë fynde a way,
Hys namë and hys vertues alle,
ffor tapeyre hem or apalle,
Line 15484
By som fals wynd reysed aloffte;
And so I hauë don ful offte; [folio 233b]
Swych ys my condicïoun
Wych callyd am 'Detraccïoun."
Line 15488
The Pylgrym: [[ [Stowe folio 273a] , om. C.]]
And whan I longë lestnyd hadde,
Gretly in my herte I dradde;
And, to with-stonde hys cruelte,
I castë for to armen me,
Line 15492
Lyst that thys thre wolde a-noon,
By assent vp-on me gon,
Affter that Detraccïoun
Hadde maade an ende off hyr sarmoun,
Line 15496
With-outen any mor abood;
ffor they round aboutë stood,
Echon redy me tassaylle [Stowe folio 273b]
Mortally, as by [[in St.]] bataylle.
Line 15500
ffyrst I lookede me be-hynde,
And gan enqueryn off my mynde,
To taken me my swerd in haste,
Or I eny ferther paste;
Line 15504
Gaff also to hyre in charge,
ffor to taken me my targe;
ffor shortly, leyser hadde I noon,
Other Armure to done vp-on.
Line 15508
And, lyk to my comaundement,
She took hem me off good entent,
In hope they sholdë me avaylle.
And I be-gan hem to asaaylle,
Line 15512
Sette vp-on, to my power.
And they, malycyous off cher,
Seynge I woldë me dyffende
