'We shal the Etyn, fflessh and bon;
Other grace thow getyst noon
Off vs, thogh thow makë stryff;
ffor thow sawh neuere, in al thy lyff,
Line 15292
Nor ne koudest yet espye,
Houndys in the bocherye
Mor gredy, rawh flessh to ete,
Than I am now, the to ffrete;
Line 15296
ffor my throte ys al blody,
Lych a wolff that ys gredy,
Shep in a folde for to strangle,
And to devoure hem in som Angle.
Line 15300
'Stynkynge kareyn, [[kareyns St.]] her and ther,
Ys my foodë most enter;
In hyllys and in valys lowe,
Lyk a Raven or lyk a crowe,
Line 15304
On swych mosselles most I thynke, [folio 231a]
And ha best savour whan they stynke.
Myn appetyt, yt ys so kene [Stowe folio 269b]
I loue no flessh [[fflesshe St., flesshly C.]] whan yt ys clene;
Yt mvt stynken north and south,
Line 15309
Or yt kome with-Inne my mouth;
And al the felthë that men seth,
Ys fyrst gnawen in my teth,
Line 15312
And ychawyd vp and doun:
My mayster tauhte me thys lessoun,
Whan that I to scolë wente,
To recorde yt in myn entente.'
Line 15316
The Pylgryme: [[St., om. C.]]
"I trowe thow koudest forge a-ryht
Yiff thow foundë day or nyht
Mater or cause to forgë by;
But I supposë verrayly,
Line 15320
No smyth ne may forgë wel
An Ax off yren nor off stel;
But yiff he hadde on off the tweyne
Thogh he euere dyde hys peyne,
Line 15324
He sholde nat fynde the maner how;
No mor (I suppose) ne kanstow."
Detraccioun: [[St., om. C.]]
