'ffor, but I (in myn entent)
Wher [[Were St.]] at hys deth with yow present,
Line 15252
Myn hertë wolde assonder Ryue.
And ye shal sen (her, as blyue) [Stowe folio 268b]
Our bothen Awntë callyd Pryde,
Off vyces allë lord and guyde:
Line 15256
But yiff he were with vs also,
He sholdë deye for verray wo.
And he hath power most, and myght;
And the cause, off verray ryht
Line 15260
To hym parteneth touchyng deth;
Ther-for, or any man hym sleth,
Lat yt be don bassent [[by assent]] off Pryde,
And we shal stondë by hys syde.'
Line 15264
Traysoun: [[St., om. C.]]
Quod traysoun, 'I assentë wel
That we werkyn euerydel
As ye ha sayd to-forn, and cast;
But I wolde ha yt done in hast,
Line 15268
That in vs ther wer no lak.'
Than she that sat vp-on the bak, [folio 230b]
Ryght hydous off enspeccïoun, [[Inspeccioun St.]]
I mene sothly, Detraccïoun
Line 15272
Abraydë, off gret cruelte,
And saydë thus in hast to me:
Detraccioun: [[St., om. C.]]
'How artow,' quod she, 'so hardy
To bern a staff so boldëly?
Line 15276
I haatë stavys euerychon,
Off pylgrymës, whan they gon [Stowe folio 269a]
On pylgrymagë wher they wende,
Whan they be crossyd At the ende.
Line 15280
In hem I ffynde alway som lak,
And berke at hem behynde her bak
Thogh to-forn I be plesaunt,
And resemble Faulz-semblaunt,
Line 15284
Wych hateth the and other mo;
So doth my moder ek also,
Whos hertë doth for Anger ryve.
'And whyl that thow art her [[here St.]] alyve
Line 15288
