'Whan thow hast opportunyte;
Line 15092
And loke that thow be dyllygent,
Wyth thy plesaunt vnyment [[Oynement St.]]
Tenoyntë-wyth thy vysage,
That men sen nat thyn outrage;
Line 15096
Be war that yt be nat apert;
Kep al thy venym in covert,
Ellys thow dost nat worth a lek.
'Shew the outward, ay humble and mek,
Line 15100
Contrayre to that thow art with-Inne,
Whan any tresoun thow wylt gynne;
And looke thow takë hed ful offte,
With thy wordys smothe and soffte,
Line 15104
And with thy speche off fflaterye, [[fflaterye St., fflatrye C.]]
To blerë many a lordys Eye;
ffor, with enoyntyng off swych thynges,
Lordys, prynces, and ek kynges, [Stowe folio 266a]
Line 15108
Other many dyuers estatys,
Bothë bysshopys and prelatys,
Ha ben ther-with deceyved offte.
'But, for the oynement ys soffte,
Line 15112
They han echon (in ther entent,)
Savour in that oynëment;
They desyre, for ther plesaunce,
That ffolkys in ther dallyaunce
Line 15116
Sey no thyng that hem dysplese,
But al that may be to hem ese,
Wher-so that yt be ryht or wrong.
'Ther-for, my douhter, euer among,
Line 15120
Sparë nat Ay to be bold;
But that thow (as I ha told)
In thy speche and thy language,
With a fflatryng ffals vysage,
Line 15124
Enoynt hem with thys Oynëment. [folio 228b]
And whan thow hast hem ther-with blent,
With tresoun coveryd in thy thouht,
Smyt with the knyff, and sparë nouht,
Line 15128
With swych malys and cruelte,
That they may neuer recuryd be.
'And whan my ffader, gon ful yore,
