'And plesaunt alway off thy chere.
Line 15052
'Do as doth the scorpyoun,
Wych by symulacïoun
Outward (as by résemblaunce)
Ys Amyable off contenaunce,
Line 15056
And at the bak (or folk take hede,)
With styngyng causeth folk to blede.
'And ther-for, off entencïoun,
That thow sue hys condicïoun,
Line 15060
I ha the yoven (off entent)
A Boyst her, with an oynement.
Vnder couert, to gynne a stryff,
I ha the taken a sharp [[sharpe St.]] knyff,
Line 15064
And also, for mor ávauntage,
In-to thy hand a fals vysage;
And with thys .iiij. [[ffoure St.]] (who reknë kan)
Ther hath perysshed many A man;
Line 15068
ffor in Regum, ye may se
That Ioab (thorgh hys cruelte,
As yt ys kouthe, ageyn al ryht)
Slowh Amasa, A [[the St.]] worthy knyht.
Line 15072
'Ek whilom in the samë caas
Stood the traytour callyd Iudas,
Whan he traysshed cryst ihesu
(That blyssyd lord, off most vertu)
Line 15076
To the Iewes fful yore agon. [Stowe folio 265b]
And thow mayst Redyn, off tryphon
The ffals tresoun, many weyes,
In the book off Machabeyes.
Line 15080
'And al thys tresouns [[alle his Tresoun St.]] wrouht off Old,
Vn-to the I haue hem told,
To thyn offyce, as yt ys due,
Off entent that thow hem sue;
Line 15084
And that thow mayst hem wel reporte,
Thyn ownë moder to counforte,
ffor to helpyn hyr ffulfylle
The surplus off hyr ownë wylle, [folio 228a]
Line 15088
And lat thy couert venym byte.
'Sparë nat also to [[for to St.]] smyte
Wyth thys knyff, cloos and secre,
