"Kome ner,' quod he, 'for vn-to guyle
Line 15012
I se (by cler inspeccïoun)
Ys hool thy dysposicïoun;
To lerne and practyse in malyce [folio 227a]
And in every other vyce,
Line 15016
Thow art off wyt and konnyng hable
To be fals and déceyváble.
Be fals inward, and outward sad, [[sadde—gladde St.]] [Stowe folio 264b]
And ther-off I wyl be glad [[sadde—gladde St.]]
Line 15020
Wherso-euere that we gon.'
'And with that word he took A-noon
Vn-to me, by gret corage,
Out off a Boyst, a fals vysage,
Line 15024
Took yt me ful couertly.
A knyff ek, wych fful prevyly
I am wont to bere with me,
Hyd, that ffolk ne may yt se.
Line 15028
'Than my fader gan abrayde,
And to me ryht thus he sayde,
'Douhter,' quod he, 'tak good hede:
Yiff the fowlere ay in dede
Line 15032
Shewede hys gynnës and hys snarys
To thrustelys and to ffeldë-ffaarys,
Hys lymtwyggës, hys panterys,
And hys nettys by reverys, [[Ryverys St.]]
Line 15036
Bryddes, ffor al hys gretë peyne,
Ther-to woldë neuer atteyne,
But hem eschewe with al her myght,
Beete her wyngës, take her fflyht,
Line 15040
Hys trappës all, a-noon for-sake;
ffor wych, douhter, whan thow wylt make
Any tresoun or compace,
Shew outward an humble face;
Line 15044
Thogh thyn herte be venymous,
And off malys outragous,
(Tak hed her-to, my douhter dere,) [Stowe folio 265b]
Outward, alway shew good chere; [Stowe folio 264b]
And, to hyde thy vyolence,
Line 15049
Looke thow be, by ápparence, [Non sunt occultaciores insidie quam que late[nt] sub similitu|dinem bonita[tis]. Seneca.]
Sootyl off port and off manere, [folio 227b]
