'(As the gospel telleth vs)
Affter hys grevous passioun.
'And yet (as in conclusioun)
Line 14936
Whan he drank Eysel and galle,
Scornyng off the Iewës alle,
Ther mowyng and derysïoun
Was to hym gretter passïoun
Line 14940
In hys suffryng, or he was ded,
Than was the sharpë sperys hed,
Wych, A-mong hys peynes smerte,
Rooff that lord vn-to the herte. [folio 226a]
Line 14944
'And thys sperys bothë two,
Yplauntyd ben (tak hed her-to)
Myd off myn herte and off my thouhte,
And fro me departë nouht;
Line 14948
And fro myn eyen (yt ys no doute)
Thys two sperys kam fyrst oute;
And ther (yiff I shal nat feyne)
They be set lyk hornës tweyne,
Line 14952
And Round abouten envyroun
They envenyme as poysoun.
'Myn eyen ben off kyndë lyk
The Eyen off a basylyk,
Line 14956
Wych, with a sodeyn look, men sleyth,
And maketh hem yeldyn vp the breth;
And who that dwelleth nyh by me,
He deyeth A-noon as I hym se;
Line 14960
Ther may no man hym-sylff for-bere,
But my two douhtres that I bere.
'Yiff thow lyst a whylë dwelle, [Stowe folio 263b]
At bet leyser they may the telle
Line 14964
Than may I, (on euery syde)
Be causë only that they ryde
Vp-on my bak, at ese and reste;
flor they ha leyser at the beste,
Line 14968
(Who taketh hed) mor than haue I;
Therfore oppose hem by and by,
What I am, bothe fer and ner,
And they wyl telle the my maner.'
Line 14972
The Pylgrym: [[St., om. C.]]
