'Wych, off entent, my sylff enclyne,
With allë folkys to debaate;
And allë ffolkys ek I haate;
Line 14896
I loue no thyng (thys the cas)
Hih nor lowe, hault nor baas,
In hevene, erthe, nor in the se;
I ha despyt off charyte,
Line 14900
And ek also, in every cost, [Stowe folio 262b]
I werreye the holy gost;
And with thys sperys (in certeyne)
Set with-Inne myn Eyen tweyne,
Line 14904
I werreye euery maner whyht;
I taake noon heed off wrong nor ryht,
Reward off no man alyue. [folio 225b]
'And the namys to descryue,
Line 14908
Off thys sperys that I tolde, [[C. & St.]]
Wych that thow dost [[? wych, dost, each a foot, like 14,920?]] [in me] beholde:
The Ton ys namyd (Trustë me)
'Wraththe off the prosperyte
Line 14912
Off other ffolkys me besyde,
Wher that euer I go or ryde;'
The tother callyd ys off me,
'Ioye off ffolkys aduersyte:'
Line 14916
Yt maketh me glad, and nothyng dul;
And with the ffyrstë spere, kyng Saul,
He afforcede hym-sylff ther-with,
ffor taslayn [[to ha slayn St.]] kyng Davyd;
Line 14920
Hanger [[Aunger St.]] fret on hym so sore,
Whan he herde the prys was more
Off Davyd than off hym-sylff, allas!
Off envye (and thus yt was)
Line 14924
He hadde so inly gret dysdeyn,
So gret despyt (ek in certeyn)
That he ne myghtë (I ensure)
In hys herte the wo endure.
Line 14928
'The tother spere off wych I spak
Ther-with was taken fful gret wrak,
ffor ther-with, (who that lyst aduerte,)
Cryst was percyd to the herte [Stowe folio 263a]
Line 14932
By the hand off Longius
