Vp-on hyr bak / I gan enquere,
That she lyst me for to lere,
Line 14816
And declaren vn-to me
Wheroff they seruede allë thre,
And off that owgly companye
They wolde her namys specefye.
Line 14820
Envye Answerde: [[ [Stowe folio 261a] om. C.]]
'I merveylle nat,' ywys, quod she,
'Thogh [that] thow abaysshed be;
ffor the trouthe, yiff I shal seye,
We woldë makë the to deye
Line 14824
Or thow sholdest yt espye.
'ffor I am callyd 'Fals Envye,'
Douhter to Pryde: whylom I was
Conceyved whan that Sathanas
Line 14828
By hys cursyd moder lay,
Sythë go fful many a [[a C., om. St.]] day;
And trustly, thogh I be nat ffayr,
I am hys douhter and hys hayr,
Line 14832
Who so lyst seke out the lyne.
'And shortly to determyne,
Who so that consydre wel, [folio 224b]
Ther ys strengthë nor castel,
Line 14836
Nouther cyte, borgh nor toun,
But that I, by fals tresoun,
Haue hem tournyd vp so doun [Stowe folio 261b]
By slauhtre and gret occisïoun.
Line 14840
And haue her-off the lassë wonder,
Whan I devydede hem assonder.
'I am that beste (who taketh kep)
That devowrede whilom Ioseph,
Line 14844
ffor whom Iacob, in gret peyne,
Gan to sorwen and compleyne,
Saydë, in hys mortal rage,
Line 14847
How a bestë most savage [genesis 27 Capitulo Bestia deuorauit Iosep . . . St., om. C.]
Hadde hys chyld falsly devowryd,
Wher-off he myghte nat be socóuryd;
He ffelte yt at hys hertë roote.
'And vn-to me ys nothyng soote
Line 14852
(The trouthë yiff I shal expresse,)
