Dreye as a bast, voyde off blood,
Hyr fflessh wastyd, (and thus yt stood,)
Men myghtë sen bothe nerffe and bon,
And hyr Ioyntës euerychon.
Line 14780
Other tweyne (I was wel war,)
I sawh, that on hyr bak she bar,
Wonder dredful and horryble,
And to beholdë ful terryble: [[6 lines blank in MS. for an Illumination.]]
Line 14784
On off hem (by gret outrage) [Stowe folio 260b]
Veylled was in hyr vysage,
That men ne sholde hyr facë se,
Nor hyr port in no degre;
Line 14788
Hyr lokkys wern ryht Rud and badde;
In hyr ryht hand A knyff she hadde,
And in hyr lyfft (as semptë me)
A boyst with oynementys had she;
Line 14792
But hyr knyff, stel [[fful St.]] sharp and kene,
Was hyd, that no man myghte yt sen,
Be-hynde hyr bak ful couertly.
The tother vekke, that rood on hih,
Line 14796
Hadde in hyr hand a swerd also,
And (as I took good hed ther-to)
Endëlong yt was yset,
fful off Eerys, and y-ffret
Line 14800
Off swych folkys as wer wood. [folio 224a]
The toon Ende, (thus yt stood,)
She yt held with-Inne hyr mouth,
Wych was a thyng ful vnkouth.
Line 14804
And ther-with-al, she, [[she St., the C.]] euere in on,
ffastë gnew vp-on a bon;
And (bettre hede [[hede St., hed C.]] ek as I took,)
She hadde also a long flessh-hook,
Line 14808
Double-fforkyd at the ende,
Sharp and krokyd for to rende.
The Pylgrym: [[St., om. C.]]
Thys thyngës whan I gan beholde,
Off the wych aforn I tolde,
Line 14812
I abrayd with al my peyne; [Stowe folio 261a]
And off hyre that bar the tweyne
