'I haue hem fostryd euerychon
With my mylk, on and alle,
In tast lyk sugre; but the galle
Line 14704
Ys hyd, they may yt nat espye.
'And, with my mylk off fflaterye [[fflatrye C. St.]]
I was noryce, and ek guyde, [Stowe folio 259a]
In especyal vn-to Pryde,
Line 14708
Vn-to whom, in sothfastnesse,
I am verray porteresse.
And, that in me ther be no lak,
I bere hyre euere vp-on my bak,
Line 14712
And ellys she, in sowre and soote,
She sholde shortly gon on [[vnder St.]] fote.'
The Pylgrym: [[St., om. C.]]
Thanne quod I, "answere to me;
Thylke merour wych I se,
Line 14716
Wych thow beryst, ther-in to prye,
Tel on, what yt doth sygnefye!"
Flatrye: [[St., om. C.]]
'Herdestow neuere her-to-forn
Tellyn, how the vnycorn,
Line 14720
Off hys nature, how that he
fforgeteth al hys cruelte,
And no maner harm ne doth,
Whan that he be-halt (in soth)
Line 14724
Hys ownë hed, and hath a syht
Ther-off, with-Inne a merour bryht?'
The Pylgrym: [[St., om. C.]]
"I haue herd [[herd St., her C.]] sayd," quod I, "ryht wel [Stowe folio 259b]
Ther-off the maner euerydel."
Line 14728
Flatrye: [[St., om. C.]]
Than quod she, 'I wyl nat spare,
Off Resoun, Prydë to compare
To the vnycorn (off ryht),
The wych, whan he hath a syht
Line 14732
Off hym sylff in A merour,
And beholdeth the rygour
Off hys port, he bereth hym ffayre, [folio 223a]
And gynneth wexyn debonayre.
Line 14736
And thys merour (in substaunce)
