'I nouther kan, nor may nat fle;
Line 14584
I ber thys mantel but for ffraude,
Off ffolk outward to haue A laude;
And the name to specefye,
Callyd ys 'ypocrysye,'
Line 14588
Therby outward a prys to wynne.
'And the forour wych ys with-Inne,
Off fox skynnës euerydel;
Al be that, outward, my mantel [folio 221a]
Line 14592
Ys ywoven (by gret delyt) [Stowe folio 257a]
Off shepys wollë, soffte and whyt,
I were yt on (soth to seye)
By fawssemblaunt whan I preye;
Line 14596
And who lyst knowë verrayly,
Many men vse yt mo than I,
Wrappe hem ther-in, in ther nede,
In hope the bettre for to spede.
Line 14600
'I covere slouthe vnder meknesse,
And gretë [[grete St., gret C.]] ffelthe vnder fayrnesse;
Sey (whan rathest I wyl greue)
Sanctificetur in my be-leve;
Line 14604
'And as the ffox (yt ys no dred)
Maade hym oonys as he wer ded,
And off fals fraude, (yt ys no nay,)
Myddës off the way he lay,
Line 14608
Ded only by résemblaunce
Outward, by cher and contenaunce;
Thus he feynede ful falsly,
Seynge a cartë passë by
Line 14612
fful off haryng (ther yt wente);
And the cartere vp hym hente;
In-to the carte a-non hym threwh,
ffor he in soth noon other knewh.
Line 14616
And whyl the carter forth hym ledde,
On the haryng the fox hym fedde;
He heet hys felle, and wente hys way.
'And euene lyk, fro day to day,
Line 14620
Vnder thys mantel I me wrye, [Stowe folio 257b]
Wych callyd ys 'ypocrysye,'
By wych (erly, and ek ful laat,)
