'Off allë folkys that be wyse;
Line 14504
And ek, thorgh myn Inquyte,
I am cheff cause, and makë ffle
Gracë dieu; to-for my fface
She may byden in no place:—
Line 14508
Wher-as I am, she duelleth nouht.
'And ek also (yiff yt be souht)
I causë paynymes, euerychon,
ffrom ther Errour they may nat gon,
Line 14512
Ydolatryë to for-sake,
And the ffeyth of cryst to take,
ffrom ther errour hem with-drawe,
And to kome to crystys lawe;
Line 14516
They be blynded so by me,
And Indurat, they may nat se
To cónuerte as they sholdë do. [folio 220a]
'And the Iewës ek also
Line 14520
I nyl stynte, nor cessë nouht,
Tyl off entent I haue hem brouht
To ther ffynal perdycïoun
And to ther dampnacïoun:
Line 14524
I debarre hem from al grace,
That the hegh they may nat pace;
The hegh, I menë, off penaunce,
Ther-by to kome to répentaunce:
Line 14528
I sterte aforn hem (in certeyn)
And make hem for to tourne ageyn,
ffor to wynse and dysobeye,
And to tourne A-nother weye.
Line 14532
'Ek to the, I wyl nat spare, [Stowe folio 256a]
Off my Mantel to declare,
Wych ys fayr by ápparence,
And haueth ek gret excellence,
Line 14536
Both off shap and off bewte
Owtward (who that lyst to se),
ffor couere (yt ys no doute)
Al the fowle that ys wyth-oute,
Line 14540
As Snowh (who that lokë wel)
Maketh whyht a ffoul dongel;
And lyk also as fressh peynture
