'And myddes off the see ydreynt.
Line 14464
'He was a ffool, (yt ys no faylle,)
The grete mayster for tassaylle,
That ys lord most souerayne;
But pryde that tymë held hys reyne,
Line 14468
Off malys and off [[om. C., St.]] surquedye,
ffor to trusten and affye
In thys spore that I off spak,
Tyl he fyl vp-on the wrak.
Line 14472
'Now wyl I speken off the staff [Stowe folio 255a]
Wych that prydë to me gaff,
And I, to my proteccïoun,
Bar yt in-stede off a bordoun,
Line 14476
And ther-vp-on (for my beste)
Off custoom I lene and reste;
And who that wolde yt take a-way,
With hym I woldë makë ffray [[a ffray St.]] ;
Line 14480
I wyl leue yt for no techyng [[thyng St.]]
ffor no counsayl nor no prechyng, [folio 219b]
But, obstynat in myn entent,
I voyde resoun and argument;
Line 14484
ffor with thys staff (who kan entende)
Myn offencys I dyffende.
'ffor thys staff, (in sentement,)
Whylom Rud [[Rude St.]] entendement,
Line 14488
The cherl, held by rebellioun,
Whan he dysputede with Resoun,
And callyd ys 'Obstynacye',
On wyche (the byble wyl nat lye)
Line 14492
Lenede whilom kyng Saul,
Whan he (off Resoun rud and dul,)
Was reprevyd off Samuel,
A prophete in Ysrael,
Line 14496
ffor the grete vnleful pray
That he took vp-on a day
In Amalech, most Rychë thynges,
As, in the ffyrste book off kynges,
Line 14500
Makyd ys cler mencyoun.
'And I, for my rebellïoun,
Hatyd am in many wyse, [Stowe folio 255b]
