'Off thyng wher neuer I hadde a-do,
Line 14344
My sylff avaunce, off thys and that,
Off thynges wych I neuer kam at.
'I boste also off my lynage,
That I am kome off hih parage,
Line 14348
Born in An hous off gret renoun;
That I ha gret pocessïoun,
And that I kan ful many a thyng,
And am aqueynted with the kyng.
Line 14352
'I booste and blowë offte A day, [Stowe folio 253a]
Whan that I ha take my pray,
Or whan that I, (lyk myn awys,)
Ha done a thyng off any prys,
Line 14356
Achevyd, by my gret labour,
Thyng resownynge to honour;
Consayl ther-off I kan noon make;
Vp with my tayl, my ffethrys shake,
Line 14360
As, whan an henne hath layd an Ay,
Kakleth affter, al the day;
Whan I do wel any thyng,
I cesse neuere off kakelyng,
Line 14364
But telle yt forth in euery cost;
I blowe myn horn, and makë bost;
I sey 'Tru / tru,' and blowe my ffame,
As hontys whan they fyndë game.
Line 14368
Ryht so, whan that I do wel,
Avauntyng I tell yt euerydel,
And axe also off surquedy,
'Hath any man do so, but I, [folio 218a]
Line 14372
Outher off hih or lowh degre?'
'And, but ech man herkne me,
(Wher yt to hem be leff or loth,)
With hem in soth I am ryht wroth,
Line 14376
Be yt wrong, or be yt ryght.
And I wyl here noon other whyht,
But so be I be herd to-forn,
Whan that euere I blowe myn horn.
Line 14380
'And thus thow mayst wel knowen how
I resemble the Cookkoow,
Wych vp-on o [[Oo St. [folio 253b] ]] lay halt so long,
