'Thys ffloutys [[ffleutys St.]] ek, with sotyl musys,
Line 14304
And thys shallys [[shalvys St.]] loudë crye,
And al swych other menstralcye,
With ther blastys off bobbaunce,
Don offtë tymë gret grevaunce;
Line 14308
ffor, wyth ther wyndës off gret myght,
They quenche, off vertu al the lyht;
They blowe many a blast in veyn,
They seuere the chaff fer fro [[chaffe / fro St.]] the greyn.
Line 14312
'Thys wynd also, (as ye shal lere,)
Whan yt taboureth [[tabourethe St.]] in myn Ere,
And with hys blast hath ther repayr,
Bereth me An hand that I am ffayr,
Line 14316
Noble also, and ryht myghty,
Curteys, wys, and ful worthy,
With swychë wyndës cryyng lowd.
A-noon I gynnë wexen proud;
Line 14320
But whan ther wynd ys ouergon,
ffrut ther-off ne kometh noon;
Al ys but wynd (yt ys no doute,) [Stowe folio 252b]
Turnynge as offtë sythe aboute
Line 14324
As phanë doth, or wheder-cok.
'And my Tayl, lych a pocok,
Offtë sythe on heihte I reyse,
With swych wynd, whan men me preyse.
Line 14328
And whan I ha swych prys ywonne,
I swollë, [[swelle St.]] gret as any tonne,
Lyk to brestyn for swollyng; [[swellynge St.]]
Ne wer I hadde som áventyng
Line 14332
To makë the wynd fro me twynne,
Wych ys closyd me with-Inne,
Me semeth ellys al wer lorn. [folio 217b]
'And, therfore I bere thys horn,
Line 14336
Wych that callyd ys 'bostyng,'
Or voydë pownche, [[pawnche St.]] by som lesyng.
And trewly, with myn hydous blast,
All the bestys I make a-gast,
Line 14340
Off my contre, for verray drede,
Make hem to lefft vp hyr hed.
'And offtë tyme I boste also
