'I wex swollë with ther bost,
Line 14144
And thynke my place and my degre [Stowe folio 249b]
Muste gretly enhaunsyd be,
And thynke yt sytteth wel to me
Tave a cheyre [[Chayer St.]] off dygnyte,
Line 14148
Lyk as I were a gret pryncesse,
A lady, or A gret duchesse,
Worthy for to were A Crowne.
'And whan I se Round envyroune,
Line 14152
ffolk me Obeye on euery part, [folio 215a]
I resemble a ffers lyppart;
Off port, off [[and St.]] cher, I-rous and ffel,
And off my lookys ryht cruel
Line 14156
I be-holde on hem so rowe,
And gynne to lefften vp the [[gyn . . .my St.]] browe
Off verray Indygnacïoun,
Off contenaunce lyk a lyoun,
Line 14160
As thogh I myghte the skyës bynd:
Al ys but smoke, al ys but wynd,
Lyk a bladdere that ys blowe,
Wych, with-Inne a lytel throwe,
Line 14164
Pryke yt with a poynt, a-noon,
And ffarwel, al the wynd ys gon,
That men ther-off may no thyng se.
'And lyk as foom amyd the se
Line 14168
Ys reysed hihë with a wawe,
And sodeynly ys efft with-drawe,
Thát men sen ther-off ryht nowht,
Ryght so the wawës off my thouht,
Line 14172
By prydë reysed hih a-loffte,
With vnwar wynd be chaungyd offte.
'Ech manhys ffawtys besydë me, [Stowe folio 250a]
Saue myn owne, I kan wel se;
Line 14176
But I parceyuë neueradel
Off no thyng that they do wel.
'To allë scornerys, in sothnesse,
I am lady and maystresse;
Line 14180
And off the castel off landown,
That off scornyng hath cheff renoun,
By Oldë [[olde St., old C.]] tyme (as men may sen)
