'And wyte yt wel, that I am she
Line 14024
Off all Olde sothly the Eldest:
Whylom, in hevene I hadde a nest;
And ther I was Eyred and yleyd,
And engendryd ek (as yt ys seyd), [Stowe folio 247b]
Thogh yt be hih, and hennys ffer.
Line 14029
'My ffader was ynamyd Lucyfer;
Off bryd ther was neuer (in-to thys day)
In bussh nor braunche leyd swych an Ey; [i. Ouum St.]
ffor affter tyme that I Eyred was,
Line 14033
Wyth thys belwys (trewly thys the caas)
I blewe ther so horryble a blast,
That my ffader was a-noon doun cast
Line 14036
ffrom that hih hevenly mansioun,
In-to helle cast fful lowë doun:
To-fforn he was a bryd ful cler and bryht,
Line 14039
And passyngly ffayr vnto the [[to the St., burnt C.]] syght, [folio 213b]
Noble, gentyl, and also ek mor cler
Than Phebus ys in hys mydday sper;
But now he ys blak, and mor horryble
Than any deth, also mor terryble.
Line 14044
'And shortly ek (in conclusioun)
With my ffader I was also cast doun,
In-to thys Erthë doun ful lowe;
And ther I sawh and dydë knowe
Line 14048
On ymad ful fressh off fface,
ffor to restore a-geyn my place;
The wych, whan I dyde espye,
At hym I haddë gret envye,
Line 14052
And castë that I wolde assay
ffor to lette hym off hys way.
And with-Inne a lytel throwe,
I took my belwys, and gan blowe,
Line 14056
And made on hym so fel a suit,
I made hym Etyn off the frut
Wych was dyffendyd hym (certeyn) [Stowe folio 248a]
Off hys lord, cheff and souereyn;
Line 14060
Wher-for he was (after my devys,)
Affter chacyd out off paradys;
Ther he loste hys avauntage.
