And hornyd ek as an vnycorn;
And in hyr hand also she bar an horn,
Line 13988
And lyk a skryppe (ek afferme I dar)
A peyre belwys aboute hyr nekke she bar;
And she hadde On (as was hyr delyt)
On hyr shuldres, A mantel large off whyt,
Line 13992
A peyre off spores poynted (soth to say)
Lyk the bek off a somer Iay,
Shewyng out that she was maystresse
Vn-to hyre that was hyr porteresse,
Line 13996
I mene, tholde [[the olde St.]] that bar hyre on hyr bak,
Whos clothyng was shapyn lyk a sak.
But she that rood, off whom I [[I St. to-forn I C.]] tolde,
Maade the tother [[= th' other]] lede hyr wher she wolde;
Line 14000
And she that bar, (ye shal vnderstonde,)
Held a large merour in hyr hond,
Hyr owgly ffeturys to beholde and se.
And than I gan a-noon to [[to om. St.]] remembre me,
Line 14004
Seyde, "allas! what hap haue I, or grace!
All they that I mete in thys place,
Ben olde, echon, to-forn and ek be-hynde; [folio 213a] [[St. & C.]]
I am gretly astonyd in my mynde; [Stowe folio 247a]
Line 14008
They wyl me slen, thorgh som dysaventure,
Or me Outrage, I shal yt nat recure;"
ffor she that rood vp-on the olde a-forn,
I herde a-ffer, how she blew hyr horn,
Line 14012
And ffaste gan affter me to ryde,
To me sayde, as I stood a syde,
The Olde Pride: [[St., om. C.]]
'Yeld the!' quod she in al hast to me,
Or thow shalt deye; yt wyl noon other be."
Line 14016
The Pylgrym: [[St., om. C.]]
"What artow," quod I to that olde;
"Wenystow I so sone sholde
Yelde me, and knowë nat thy name,
With-outë mor? in soth I wer to blame;
Line 14020
Thyn offyce ek, and also thy power,
Or that I me yelde prysowner."
Pride: [[Pride St. In Stowe's hand C.]]
'Vnderstond wel ffyrst, and se,
