'I make the Maryner fful ffast
Lyn and slepe vnder the mast,
Line 13792
Tyl hys vessel, by som cost,
Be ydrownyd and ylost;
I brekë al hys gouernaylle,
By costys, wher as he doth saylle;
Line 13796
And myd off many straungë se,
The wrak ys maad only by me.
ffor lak, in soth, off governaunce,
I cause that al goth to meschaunce,
Line 13800
Ther loodmanage, ther sttuff, ther wynes.
'I cause also that, in gardynys,
(Who so lyst to looke aboute,)
That bremblys, netlys, fful gret route,
Line 13804
Wexe and encresse round a rowe,
And many [[in many St.]] weedys that be nat sowe; [folio 210a]
And for tamende hem, day be day,
I putte yt euere in-to delay;·
Line 13808
ffor I lernede, syth go fful long, [Stowe folio 243b]
The maner off the Rauenys song,
Wych by delay (thys the cas)
Ys wont to syngë ay 'craas, craas;'
Line 13812
That song I kepe wel in my thouht,
Thys lessoun, I forgete yt nouht;
My custom ys ek, what I may,
Al thyng to puttyn in delay;
Line 13816
And, myn vságe off Oldë [[olde St., old C.]] daate,
What I shal done, to don yt late;
Wherfor off ryght (to seyn the trouthe)
My namë ys ycallyd 'slouthe';
Line 13820
ffor I am slowh and éncombrows,
Haltynge also, and Gotows,
Off my lymës crampysshynge,
Maymed ek in my goynge,
Line 13824
Coorbyd, [[Croobyd St.]] lyk ffolkys that ben Old,
And afowndryd ay with cold;
On ech whedyr, I puttë blame,
And, ther-fóre, Slouthe ys my name,
Line 13828
Off custom callyd 'Ydelnesse.'
'Thow mayst me calle ek 'hevynesse,'
