Strongly by the ffeet me bond;
Line 13716
In the knotte ther was no lak;
And thannë thus to hyr I spak:
Pilgrym [[In Stowe's hand. pylgrym St.]]
"O, thow Oldë Ryvelede whyht!
ffoul and owgly off thy syht!
Line 13720
Why artow, off thy cruelte,
Kome vnwarly thus on me,
ffals, and a traytour in werkyng,
And spak no word in thy komyng?
Line 13724
I wot, by tooknes off thy fface,
Thow kam neuere out off no good place,
Nor, thogh thow haddest the Reuers sworn,
I wot that thow wer neuer born
Line 13728
Off no good moder, out off drede.
And as touchynge thy kynrede,
Be thyn array (yt semeth wel) [Stowe folio 242a]
I shold yt preysen neueradel.
Line 13732
ffle fforth thy way, and cast the bondys [folio 209a]
That thow beryst, out off thyn hondys.
[Sloth]:
Quod she, (as in conclusïoun)
'I am no Gerfawk nor fawcoun,
Line 13736
Nouther sparhawk nor Emerlyoun,
Nor lyk to thyn oppynyoun;
Ches nor bellys, nyh nor ffere,
To be bounde I wyl nat bere;
Line 13740
ffor, al ffre, with-outë charge,
My lust ys for to gon at large.
Slouthe. [[In Stowe's hand. slowthe St.]]
'Trust me wel, bothe hih and lowe,
Line 13743
By ffeyth that I my ffader howe, [[ffader owe St., ffade howe C.]]
Thow shalt nat (whan al ys do,)
ffro my daunger escapë so;
But thow shalt, for al thy pryde,
Ben arestyd, and abyde,
Line 13748
Be causë thow hast ben so bold
To callë me 'stynkynge and old;'
And causëles thus blamyd me,
Wych haue in many a placë be,
Line 13752
