'ffor to spoyllen and assaylle;
Line 13560
We wyl vs bothë putte in pres.'
[The Pilgrim:]
And whyl they leffte me thus in pes, [folio 206b]
I koudë makë no declyn;
So euere in On the cruel swyn
Line 13564
Me drowh out off the hihë way
Among the donge, among the clay,
At hys tayl, me to confounde,
To wych I was so sorë bounde.
Line 13568
And whil I lay thus in dystresse, [Stowe folio 239a]
A-noon I gan myn Eyen dresse
To be-holde how thylkë tweyne
Wer dyllygent, and dyde her peyne,
Line 13572
The lord tassaylle, that I off spak;
And made hym fyrst, fro horsë bak,
Maugre hys myght, to lyhtë doun;
ffor, mercy nor remyssyoun
Line 13576
Ther was noon, on no party;
They hym beete fful cruelly;
And by the throtë they hym took,
And pullyd hym so that he shook,
Line 13580
Leyde hym lowë doun to grounde;
And hys Eyen so they bounde,
That he lostë [[loost St.]] look and syht,
Hys force, hys power, and hys myght.
Line 13584
And affter that, thogh he wer strong,
They gan strechche hym forth along,
On a barhyde off A Somer,
Lyk a beste off A bocher,
Line 13588
Voyde off pyte and off shame.
And for he was a man off name
(Semynge, by hys contenaunce,)
Therfor they tookë mor vengaunce
Line 13592
Vp-on hym, and bounde hym sore;
And Venus swyn, with brustlys hoore,
Drowh hym forth On the bar hyde
Endëlong and ek a-syde, [[6 lines blank in MS. for an Illumination.]]
Line 13596
By brookys and by sloos fowle, [folio 207a] [Stowe folio 239b]
