Who hadde al the maner seyn,)
I was lyk (he myghte ha told)
Tacalff [[To a calf]] wych sholdë ha be sold
Line 13524
In som market ffastë by,
On stallys in the bochery.
In swych dysioynt they laddë me,
Myn Eyen cloos, I myghte nat se;
Line 13528
And for they wolde nat off me ffayl,
They bond me to a swynës tayl,
I mene, the swyn off dame Venus,
fful dredfful and fful contagyous, [folio 206a] [[6 lines blank in MS. for an Illumination.]]
Line 13532
The wychë [[wych C., whiche St.]] (by fful mortal lawe)
At hys tayl gan me to drawe,
And to brynge me vp on the wrak,
Thys ylkë two that I off spak,
Line 13536
Venus, and ek Glotonye,
To shewe on me ther tyrantrye,
Gan bete on me, and bonchë sore.
And affter thys, they dydë more;
Line 13540
They Robbede me off my treasour;
And ffor that I ffond no socour
A-geyn ther myght, (as I ha told,) [Stowe folio 238b]
Bothe my syluer and my gold;
Line 13544
And nakyd they wolde ha spoyled me,
Naddë sothly O thyng be: [[y-be St.]]
They sawh on komen ffastë by,
Vnwar, with a gret company;
Line 13548
And pleynly (as I koudë deme,)
A pylgrym he dydë seme,
And a gret lord (yt ys no nay)
By lyklyhed off hys array.
Line 13552
Venus: [[St., om. C.]] [[Blank in MS.]]
Quod Venus thannë, 'by my wylle,
Lat hym lyn a whylë stylle,
Tyl we may, ffrom al daunger,
Spoyllen hym at bet leyser.
Line 13556
'Her kometh on, me semeth now,
Wych ys mor lykly ffor [[to St.]] our prow,
Wham we tweynë wyl nat ffaylle
