'And be with-holde in myn houshold;
Yet I dar make descripcïoun;
They be ffoul off condicïoun,
Line 13448
Off shap, off ffourme, I the ensure,
And ryht lothsom off ffygure.
'With hem I markë many On,
Pylgrymes that by the weyë [[way St.]] gon;
Line 13452
Thè [[They St.]] may skapen on no syde.
'And be ek war, yiff thow abyde,
A-mong other, I shal thè smyte,
In abydyng yiff thow delyte;
Line 13456
Or thow must be in thy ffleyng,
Swyfft as A tygre in rennyng,
But, ffor ál that, I dar say,
I shal nat fayllen off my pray,
Line 13460
ffor al thy fflyht. whyl glotonye [folio 205a]
Hath power thè ffor to guye,
Al kommeth to my subieccïoun,
Wher she hath domynacïoun.'
Line 13464
The pylgrym:
"I may yive credence wel her-to, [Stowe folio 237a]
ffor glotonye me toldë so,
That thow or she, selde or neuere,
Lyst a-sonder to dysseuere.
Line 13468
But, as ffer as I kan lere,
Ye ben to-gydre ay yffere:
She causeth ffyrst, in substaunce,
That I off thè haue ácqueyntaunce."
Line 13472
Thanne glotonye fful redyly
Answerdë, that was fastë by,
Glotonye:
'Yiff thow me callë, in sothnesse,
Lyk as I am, A Bocheresse,
Line 13476
Or in ffrench (who lokë wel)
I am callyd a 'Makerel,'
Whos offyce (to specefye,)
Ys in ynglysshe 'bauderye;'
Line 13480
And lernë, (ffor conclusïoun,)
That ys verrayly my surnoun;
ffor, (the soth yiff I shal telle,)
