'ffor to shrowde ther-with my fface,
Line 13368
And my ffeturys ffor to hyde,
That men espyen in no syde
My scornyng nor my mokerye,—
In ffrench ycallyd 'Farderye'
Line 13372
And in ynglyssh, off old wrytyng,
Ys ynamyd ek 'poppyng'—
Wych, whan ffolkys ffall in age,
Maketh Ryvelys in the vysage,
Line 13376
And large ffrowncys [[ffrowncys St.]] I ensure.
'And, also, ageyn nature,
I makë ffolkys ffor to deme
By crafft outward, my sylff to seme
Line 13380
ffayrere than euere that I was,
To looke in merour or in glas.
'Also my condicïoun
Ys to walkyn vp and doun,
Line 13384
Now in towne, now in the ffeld; [Stowe folio 235b]
In O place I abydë seld,
But yt be by swych a fortune [[Fourme St.]]
Wher my lust I may parfourme;
Line 13388
I menë, placys off dyffame,
Wych, to réherse, ys gret shame;
Wher-off my clerk, off whom I tolde, [folio 204a]
Hath yseyd lyk as he wolde,
Line 13392
Spekynge ful outragously,
And gaff Exaumple ffynally
ffor to speke off dyshoneste,
Off entent (as thow mayst se)
Line 13396
Out off my slep me to awake, [[to wake C., tawake St.]]
In a-wayt, I sholdë take
Pylgrymes that walkë by the way,
Hem tareste, and make affray,
Line 13400
Off fforcë doun hem bowe hyr chyne,
And tobeyë my doctryne.
'He wendë I hadde ben a-slepe;
But the weyës I do kepe
Line 13404
Nyht and day, (yt ys no les;)
And I am nat rekkëles,
But hem areste in euery place,
