'Trustë wel, I am nat ffayr;
Line 13328
And yiff I haddë gret fayrnesse,
I wolde nat hyde yt in dyrknesse.
And thogh that I be kempt [[kept St.]] ryht wel,
Yt ne sueth neueradel
Line 13332
That I am ffayr, for in array,
Thogh that I be queynte and gay,
I am ryht foul for to beholde;
My chekys Rympled and ryht Olde,
Line 13336
And ful hydous, (yt ys no nay)
And mor horryble than I dar say.
'And ther-for be ryht wel certeyn,
I hyde me that I be nat seyn,
Line 13340
And holde me euere in placys dyrke,
Go by cornerys that be myrke;
And I ne haue no maner syth [[syghte St.]]
At mydday whan the sonne ys bryht
Line 13344
In hys spere ful hih aloffte;
And I me putte in pereil offte,
Yiff thow knewë my passáges,
Placys off my gret outráges
Line 13348
Wych I vsë, trustë me,
Ther-off thow woldest astonyd be:
'I Ryde vp-on A cursyd hors, [prose cap iv.48]
I trowë nowher be no wors;
Line 13352
ffor placys that be most peryllous,
Most horryble and hydous, [folio 203b]
Most dredful and most vnsure, [Stowe folio 235a]
Ther I loggë, off nature:
Line 13356
Thys my custom, day be day,
As a sowhe, in donge and clay,
Ther ys my lust most to dwelle;
I am mor ffoul than I kan telle:
Line 13360
Ryht foul I am in abstracto: [Concretum deo concuruit, Sub|iectum cum accidente // Ab|stractum est illud quod ab|strahitur a subiecto, vt albedo abstrahitur ab albo, quia con|cretum est respectu albedinis. St., om. C.]
But yet mor ffoul in Concreto
I am holde, a thowsand ffold;
And, therfor, as I ha told,
I ber thys wonderful peynture,
Line 13365
Thys ffalse vysagë, thys ffigure,
Off entent, in euery place,
