"And thow (who taketh hed ther-to)
Hast a wykked mouth also,
Wych, off thyn Inyquyte,
Hast lyed vp-on Chastyte,
Line 13296
To makë goodë ffolk hyr haate,
And ageyn hyr to debate."
Venus:
'Thow seyst soth, (yt ys no drede,)
But thow shalt wyte (in verray dede)
Line 13300
My condicioun ys to lye;
And pleynly, (yiff thow konne espye)
Be ryht wel war alway off me;
With lyyng I shal deceyuë the.' [prose cap iii.47]
Line 13304
The pylgrym:
"Tel on to me the causë why; [Stowe folio 234a]
Why hastow smet me vnwarly?"
Venus:
'What trowestow for to go ffre
Whyl that I am so nyh by the?
Line 13308
Nay, nay! that may nat be-falle.
Thow knowest nat thassautys alle
Off my werk, nor the manere,
But by processe thow shalt lere;
Line 13312
Wherso-euere that I assaylle,
Off my pray I wyl nat ffaylle;
And wher I hurtë with my darte,
Yt ys ful hard ffor [[ffro me St.]] to departe
Line 13316
With-outen harm ffro my daunger,
Whom-euere I markë, ffer or ner,
I dar yt swern (in verray sothe)
By myn hed ykempt so smothe.' [folio 203a]
Line 13320
The pylgrym:
"Syth thow art kempt so sotylly
And arrayed so ffresshëly, [[ffresshely St., ffresshly C.]]
As thow sayst in thyn language,
Why hydestow thy vysage
Line 13324
That I may nat clerly yt [[yt om. St.]] se?
ffor som deceyt I trowe yt be."
Venus [[In Stowe's hand, Venus St.]] : [Stowe folio 234b]
'Wher-euere that I repayr,
