'Wych was to me gret dysplesaunce;
ffor my wyl was, that he no thyng [Stowe folio 233a]
Sholde ha set in hys wrytyng,
Line 13256
No thyng (as to myn entent,)
But yt wer to me pertynent,
Or accordynge to my matere,
Or at the leste (as ye shal here),
Line 13260
That he hadde set in [[sette inne St.]] no mor
But that was off hys ownë stor:
He was askryed off hys ffolye
Off On yborn in Normaundye;
Line 13264
ffor wych, neuer affter (by couenaunt)
He louede neuere no Normaund:
The Romaunce kan yt wel declare,
In wych he wrot (and lyst nat spare,)
Line 13268
That Male-bouche (yt ys no lye)
ffledde ffyrst out off Normaundye;
Wher-off he made a strong lesyng,
Lyede also in hys wrytyng,
Line 13272
Off relygious, euele [[wele St.]] to speke,
And vp-on hem to ben a-wreke,
To my ffauour (as ye may se)
Be-cause I púrsue chastyte.'
Line 13276
The pylgrym:
"Than may I ryht wel certeyn
Afferme, that thow and thy skryveyn
Ben replevysshed (who kan se)
Off malys and inyquyte;
Line 13280
ffor who-so, thogh he wer my brother, [Stowe folio 233b]
Wyl gladly seyn evel off A-nother
I may off hym seyn (Est and south,)
That he haueth no good mouth;
Line 13284
ffor with hys tonge (who that touche,)
He may be callyd 'Malë bouche.' [folio 202b]
Wherfor trewly thy skryveyn
Hihte [[Hathe St.]] 'Malë bouche,' I dar wel seyn,
Line 13288
Whan he (voyde off al ffavour)
Gan appellë hys neyhbour,
Only for he dyde hym ascrye,
To seyn the trouthe, and lyst nat lye.
Line 13292
