"With euery maner cyrcumstaunce,
Wych that madë that Romaunce."
Line 13216
Venus:
'Thys Romaunce (in cónclusioun),
I may calle yt off Resoun
Myn ownë book, (whan al ys do,)
And I my sylff made yt also;
Line 13220
And yiff that thow consydre wel,
Gynnynge, ende, and euerydel, [[Euerydel St., euerdel C.]]
He speketh ther (yiff thow kanst se)
Off nat ellys but off me,
Line 13224
Except only (yt ys no doute)
My clerk, my skryveyn, racede oute
Off strangë ffeldys as I be-held,
And sewh yt in A-nother ffeld,
Line 13228
ffolkys wenynge (yt ys no dred)
That he hadde sowhe [[sewe St.]] the samë sed
Vp-on hys ownë lond certeyn.
'But to declare the trouthë pleyn,
Line 13232
He dyde nat so, no thyng at al,
In straungë feldys, for he yt stal,
(Al be yt so by fful gret lak,)
He put al in hys ownë sak
Line 13236
Be-causë only (who kan ffele)
He caste the trouthë to concele;
Off surquedye, (yt ys no nay,)
Wolde ha born yt with hym away,
Line 13240
Al be, sothly, (who haue a syht)
He hadde ther-to no maner ryht;
'But affterward he was ascryed
By a normaund, and espyed,
Line 13244
Wych loude cryede, and made A soun,
Yt was no ryht nor no Resoun
Off other ffolkys gadryng
To make hys berthene by stelyng.
Line 13248
But for al that, forth he wente,
Nouht abaysshed in hys entente,
But boldëly, or I was war, [folio 202a]
fforth with hym hys stelthe he bar,
Line 13252
Ympyd yt in / in my romaunce,
