'Be slayn, and dede by my [[by C., thurghe my St.]] pursuit—
Wher the castel ys so strong,
That I may do to hyre no wronge,
Nor the fforteressë wynne, [Nota St.]
As longe as she halt hyr with-Inne;
But yiff so be (yt ys no doute)
That she go a-brood with-oute
At large, and haue hyr lyberte,—
Line 13145
As Dina wentë for to se [folio 200b]
Wommen off that regïoun,
(As holy wryt maketh mencioun) [Genesis 32 capitulo, St., om. C.]
Iacobys douhter (thys the cas)
Line 13149
And she a-noon dyffoulyd was, [Stowe folio 231a]
And the slaundre gret arose, [Hoc Augustinus. [[St. Aug. C.]] ]
Be-cause she kepte hyr sylff nat [[nat C., in St.]] cloos.
'Ek I ne haue noon ávauntage
Line 13153
ffor to harme nor do damage—
Nat the valu off An Oystre—
Whyl chastyte kepeth hys cloystre,
Line 13156
And goth nat out in no maner,
Than ffarvel [[ffarwelle St.]] al my power.'
The pylgrym:
"Tel on a-noon, and nat ne ffeyne,
What ys thoffencë off thys tweyne,
Line 13160
Off maydenhed or chastyte?
What wrong han [[haue St.]] they don to the,
That thow hem hatest in thy thouht?
Declare in hast, and tarye nouht."
Line 13164
Venus:
'ffyrst, vnderstonde and herkne me,
That neuere yet Vyrgynyte
Woldë in no place abyde,
But I wer out, and set asyde:
Line 13168
To hyre I am abhomynáble,
Contraryous and dyffamáble;
I stynke on hyre, wher euere she be. [Stowe folio 231b]
'And ek hyr suster Chastyte,
Line 13172
Wher euere that she me espy,
She ffleth hyr way, and cryeth "ffy!"
ffor wher yt thowhe, [[thaw]] or elles ffrese,
