'And for that I am glotonye,
I dar trewly specefye
Line 13064
How Venus (yt ys no ffayl)
Euere me sueth at the tayl;
We departë seld or neuere,
ffor we be to-gydre euere;
Line 13068
She wyl nat partë, yiff she may.
'And whom that I, be nyht or day,
Areste, or makë to abyde,
Wher-so that he go or ryde,
Line 13072
I brynge hym off entencïoun
To ben vnder subiectïoun [Stowe folio 229b]
Off Venus; for she and I
Confedryd ben so trew[e]ly,
Line 13076
That ffolkys vnder my demeyne,—
Swych as be lacyd in my cheyne,
Or sesyd, (ther ys no mor to seye,)—
Vn-to hyre they muste obeye.'
Line 13080
The pylgrym:
"I praye, declare a-noon to me,
What thyng thys Venus sholdë be."
Glotonye:
Quod glotonye, 'with-outë glose,
Thow shalt off hyrë (I suppose) [folio 199b]
Line 13084
Hyryn tydynges A-noon ryht,
Off hyr power and off [[off C., om. St.]] hyr myght;
And thannë, yiff thow wylt enquere,
What she ys, she wyl the lere.'
Line 13088
And, whyl I stood [[stoode St.]] musynge thus,
I sawh a-noon wher that Venus
Kam rydynge on a swyn saváge,
And in hyr hand, a ffals vyságe
Line 13092
I sawh hyr bern, fful brood and large,
To-fforn hyr Eyen, lyk A targe.
And thys Venus trew(e)ly
Was Arrayëd queyntëly;
Line 13096
ffor hyr clothys and hyr array [Stowe folio 230a]
Defoulyd wern with donge and clay,
ffor wych (in euery maner place)
She gan shroude and hyde hyr fface
Line 13100
