'Offt by hym I ffalle in blame,
In gret dyshonour and dyffame;
ffor he me gaff (who lokë wel)
Thys sak also, and thys phonel
Line 12988
Wyth wych my wynës I vp tonne.
And whan that I haue onys gonne [Stowe folio 228a]
To tonnen vp, (as thow mayst se,)
I take ther-off so gret plente,
Line 12992
Swych háboundaunce and swych foysoun,
That I lese wyt and resoun,
Dyscrecïoun, wysdam and mynde,
That I kan no weyë [[way St.]] ffynde
Line 12996
To gon vn-to myn ownë hous,
Mad and dronke, as ys A mous.
'Than spek I nat but Ribaudye,
Outrage and gret vyllenye;
Line 13000
I haue noon other Elloquence;
ffor than I do no reuerence,
Nouther to god, (in no manere,)
Nor to hys ownë moder dere;
Line 13004
ffor yiff I shal the trouthe expresse,
Whan I am ffalle in dronkenesse, [[dronkenesse St., dronknesse C.]]
My tongë than I gynne to [[to C., om. St.]] broche,
That, yiff Resoun wolde aproche,
Line 13008
I bydde hym shortly (thys no nay,)
To take hys leue, and gon hys way.
And also in my dronkenesse
I sey the same to Ryhtwysnesse;
Line 13012
ffor thogh prudence and equyte,
Sapyence And veryte,
Hadden with me tho to done,
They sholde be put abak fful sone.
Line 13016
'With sobyrnesse, nor áttempraunce, [folio 198b]
I wyl haue noon ácqueyntaunce:
They be no thyng off myn allye;
I haue off hem but moquerye; [Stowe folio 228b]
Line 13020
ffor, wher dronkenesse ys guyde,
Ech vertu ys set asyde;
And whan with wyn ful ys myn horn,
I am ffers as an vnycorn;
Line 13024
