'Wych that hath a double mouth,
To receyuë north and sowth,
Line 12912
Al deyntes that may be founde;
ffattë mussellys large and Rounde, [folio 197a]
I threste hem in fful lykerously.
'And yet myn Eyen be mor gredy,
Line 12916
Mor desyrous to do gret wast
Than ys my sak outher my tast:
To ther desyre, in no wyse
Nothyng may ynowh suffyse;
Line 12920
Myn Eyen, thorgh none suffysaunce,
Don to my stomak gret grevaunce,
Mor peryllous than swyrd or knyff,
ffor to shorte a manhys [[manys St.]] lyff;
Line 12924
And ffynally, (who that kan se,) [Stowe folio 226b]
Excesse and superfluyte
Slen mo men, nyh and ffere,
Than outher swerd, dagger or spere.'
Line 12928
The pylgrym:
"Syth excesse and swych outráge
Don to the so gret damáge,
Off mussellys smale and grete,
Why lystow with hem surfeete,
Line 12932
Syth thow concludest (in sentence)
In surfet ys gret pestylence?"
Glotonye:
'With-Inne my mouth (as thow shalt lere,)
I bere A touch, (yiff thow wylt here,)
Line 12936
A Touch off gret infeccïoun
The wychë, [[wych C., whiche St.]] by corrupcïoun,
Wher that euere he haue repeyr,
He infecteth al the heyr,
Line 12940
And sleth mo ffolk by vyolence
Than any other pestylence.
'That touch, by touchyng redyly,
Ys mad so sharpe and so gredy
Line 12944
By touch off metys delycat,
Thanne he to Resoun obstynat,
Mut, with hys touch, touchyn som whyht, [Stowe folio 227a]
Or ellys wolde he, a-noon ryht, [folio 197b]
Line 12948
